Օրբանի հեռանալուց հետո Իսրայելը կարող է հայտնվել ԵՄ պատժամիջոցների վտանգի տակ
Վիկտոր Օրբանի՝ Հունգարիայի վարչապետի պաշտոնից հեռանալուց հետո Իսրայելը կարող է բախվել Եվրամիության կողմից պատժամիջոցների, հաղորդում է Politico-ն՝ հղում անելով եվրոպացի դիվանագետներին և պաշտոնյաներին։
Պարբերականը հիշեցնում է, որ փետրվարին Օրբանը արգելափակել էր Արևմտյան ափին իսրայելցի բնակիչների դեմ պատժամիջոցներ կիրառելու առաջարկը, չնայած այն հանգամանքին, որ ԵՄ 27 անդամ պետություններից 26-ը կողմ էին քվեարկել:
«Երբ (Հունգարիայի խորհրդարանական ընտրություններում հաղթած «Տիսա» կուսակցության առաջնորդը – խմբ.) Պետեր Մագյարը… դառնա վարչապետ, այս պատժամիջոցները, հավանաբար, ուժի մեջ կմտնեն»,- գրում է հրատարակությունը։
ԵՄ աղբյուրը հրատարակությանը հայտնել է, որ ապրիլի սկզբին Լիբանանում Իսրայելի կողմից իրականացված ավիահարվածների շարքը, որի հետևանքով զոհվել է ավելի քան 250 մարդ, ստիպել է Բրյուսելին վերանայել իր վերաբերմունքը Իսրայելի նկատմամբ։
«Դա Իսրայելին արժեցավ մի քանի ընկերների կորուստ»,- ասել է աղբյուրը։
