ՆԱՏՕ-ն Լեհաստանում և Ռումինիայում սկսել է «Արևելյան պահապան» գործողությունը
ՆԱՏՕ-ն հայտարարել է «Արևելյան պահապան» («Eastern Sentinel») գործողության մեկնարկի մասին, որը կանցկացվի Լեհաստանում և Ռումինիայում։ Գործողության նպատակն է ամրապնդել դաշինքի արևելյան թևը և բարձրացնել պաշտպանունակության մակարդակը։
Գործողությունը մեկնարկել է Լեհաստանի պահանջով՝ Հյուսիսատլանտյան պայմանագրի 4-րդ հոդվածի հիման վրա։ Նման պահանջի պատճառ էր դարձել Լեհաստանում անօդաչու թռչող սարքերի հետ կապված միջադեպը, որի համար պատասխանատվությունը դրվել է Ռուսաստանի վրա։
Միջոցառմանը կմիանան Մեծ Բրիտանիայի, Դանիայի, Գերմանիայի, Ֆրանսիայի և մի շարք այլ երկրների ուժերն ու միջոցները։
