Գերմանիայում առաջարկել են «անօդաչու թռչող սարքերի պատ» կառուցել
Գերմանիայի իշխող կոալիցիայի անդամ հանդիսացող Քրիստոնեա-դեմոկրատական միության պատգամավոր Նորբերտ Ռյոտգենը կոչ է արել ՆԱՏՕ-ի ամբողջ արևելյան սահմանի երկայնքով «անօդաչու թռչող սարքերի պատ» ստեղծել։ Այս մասին գրում է РИА Новости-ն:
Ավելի վաղ Reuters գործակալություն հաղորդել էր, որ պաշտպանության և տիեզերքի հարցերով եվրահանձնակատար Անդրիուս Կուբիլիուսը հաջորդ շաբաթ ԵՄ ռազմական ղեկավարների հետ կքննարկի դաշինքի արևելյան սահմանի երկայնքով «անօդաչու թռչող սարքերի պատ» ստեղծելու հարցը։
«ՆԱՏՕ-ի արևելյան թևում՝ ամբողջ սահմանի երկայնքով, մեզ անօդաչու թռչող սարքերից պաշտպանություն է անհրաժեշտ։ Այո՛, այս պատը կկառուցվի»,- ասել է Ռյոտգենը ZDF հեռուստաընկերության եթերում։
