Բացահայտվել է «The Beatles»-ի մասին կենսագրական ֆիլմի բյուջեն
Լեգենդար The Beatles խմբի մասին պատմող բոլոր չորս ֆիլմերի ընդհանուր բյուջեն կգերազանցի 400 միլիոն դոլարը։ Այս թվերը հրապարակել է Puck News պորտալը։
«Լիվերպուլյան քառյակի» անդամներից յուրաքանչյուրի մասին կնկարահանվի առանձին ֆիլմ։ Գլխավոր դերերը կխաղան Փոլ Մեսքալը (Փոլ ՄաքՔարթնի), Հարիս Դիքինսոնը (Ջոն Լենոն), Բարի Քեոգանը (Ռինգո Սթար) և Ջոզեֆ Քուինը (Ջորջ Հարիսոն)։
Նկարահանումները կղեկավարի «Ամերիկյան գեղեցկություն» և «1917» ֆիլմերի հեղինակ Սեմ Մենդեսը։ Սցենարների վրա աշխատում են Փիթեր Սթրոգանը , Ջեք Թորնը և Ջեզ Բաթերվորթը։
Բոլոր ֆիլմերի թողարկումը նախատեսված է 2028 թվականի ապրիլին։ Sony Pictures-ը հանդես է գալիս որպես նախագծի դիստրիբյուտոր:
