Թրամփ-Սի Ծինփին հանդիպումը կարող է չկայանալ․ Financial Times
Թրամփ-Սի Ծինփին հանդիպումը կարող է չկայանալ։ Գրում է Financial Times-ը։
ԱՄՆ պաշտպանության նախարար Փիթ Հեգսեթը և պետքարտուղար Մարկո Ռուբիոն նախկինում բանակցություններ են վարել իրենց չինացի գործընկերների հետ, ինչը ենթադրություններ է առաջացրել, որ նախագահները կհանդիպեն։
Այնուամենայնիվ, ԱՄՆ-ի և Չինաստանի միջև առևտրային բանակցություններում առաջընթացի բացակայությունը նվազեցրել է Պեկինում գագաթնաժողովի հավանականությունը, գրում է թերթը։
Թրամփը և Սին դեռ կարող են հանդիպել ԱԽՏՀ գագաթնաժողովում, բայց հանդիպումը պակաս նշանակալից կլինի։
Հիմնական խնդիրն այն է, որ Վաշինգտոնը կարծում է, որ Չինաստանը շարունակում է ԱՄՆ-ին մատակարարել ֆենտանիլի արտադրության մեջ օգտագործվող քիմիական նյութեր։ Պեկինն, իր հերթին, մտահոգված է ԱՄՆ-ի կողմից սահմանված մաքսատուրքերով։
