Վրաստանը ևս 18 օտարերկրացու է արտաքսել. նրանց թվում Թուրքիայի և Իրանի քաղաքացիներ կան
Վրաստանի Ներքին գործերի նախարարությունից հայտնել են, որ վերջին օրերին Ներքին գործերի նախարարության միգրացիայի դեպարտամենտի և գերատեսչության համապատասխան բաժինների սերտ համագործակցությամբ իրականացված համալիր միջոցառումների արդյունքում Վրաստանից արտաքսվել է 18 օտարերկրյա քաղաքացի, հաղորդում է Грузия Online-ը։
Դեպարտամենտի տվյալներով՝ երկրից արտաքսվել են Իրանի, Չինաստանի, Ռուսաստանի, Նիգերիայի, Եգիպտոսի, Բանգլադեշի, Բելառուսի, Թուրքիայի, Հնդկաստանի, Պակիստանի և Ուզբեկստանի քաղաքացիներ՝ ընդհանուր առմամբ 18 մարդ։
«Գործող օրենսդրությամբ՝ արտաքսված անձանց արգելվել է մուտք գործել երկիր։
Վրաստանի Ներքին գործերի նախարարության միգրացիայի դեպարտամենտը երկրի ներսում անօրինական միգրացիայի դեմ պայքարի համար պատասխանատու մարմինն է։ Դրա լիազորություններից մեկը Վրաստանում առանց օրինական հիմքերի գտնվող օտարերկացիների նույնականացումն ու երկրից արտաքսումն է»,- ասված է Ներքին գործերի նախարարության հայտարարության մեջ։
