«Ջնջվեց» Ադրբեջանի հանցանքի միջազգային հետքը. Հակոբ Բադալյան

Հակոբ Բադալյանը գրում է. «Ընդ որում, երբ Ադրբեջանը ներկայացրեց այդպիսի պահանջ՝ երկու, թե երեք տարի առաջ, Հայաստանում սկսեց տարածվել մի մտացածին քարոզչություն կամ մանիխուլյացիա, թե այդ պահանջը թելադրել է Ռուսաստանը:

Ռուսաստանն իհարկե արտահայտվել է, որ Մինսկի խումբը պետք է լուծարվի, սակայն ամբողջ հարցը այն է, որ դա եղել է բոլոր համանախագահների դիրքորոշումը: Նրանք բոլորն էլ շահագրգռված են եղել, որ վերանա Ադրբեջանի «հանցանքի հետքը», քանի որ դրանով նաեւ վերանում է իրենց պատասխանատվությունը այդ հանցանքի համար:

Չէ՞ որ Մինսկի խմբի մանդատի ամբողջ իմաստն ու պարտավորությունը խաղաղ կարգավորում ապահովելն էր:

Նաեւ սա է պատճառը, որ նրանք ուզում էին, որպեսզի հենց Հայաստանն ու Ադրբեջանը դիմեն խումբը լուծարելու խնդրանքով, քանի որ, եթե Հայաստանը չմիանար դրան, ապա կարող էր լուծարման վերաբերյալ ցանկացած որոշմման կամ նախաձեռնությամ պարագայում հարց բարձրացնել՝ խմբի այսպես ասած հավշվետվության մասին:

Մինչդեռ, այդ խմբի անդամներից կամ համանախագահներից որեւէ պետություն շահագրգռված չէր պատասխանել ավելորդ հարցերի, թե ինչպես եւ ինչու՞ թույլ տրվեց, որ Ադրբեջանը գնա ագրեսիայի, էթնիկ զտման, ինչու՞ խումբը այդ ամենի հանդեպ չդրսեւորեց համարժեք վերաբերմունք, եւ այլն:

Այնպես որ, ազատվելով Ադրբեջանի հանցանքի հետքից, նրանք բոլորն ազատվեցին նաեւ ավելորդ հաշվետվության խնդրից»։