Երկարատև հիվանդությունից հետո մահացել է երգիչ Յարոսլավ Եվդոկիմովը
Կյանքի 79-րդ տարում մահացել է Բելառուսի ժողովրդական արտիստ Յարոսլավ Եվդոկիմովը: Այս մասին սոցիալական ցանցի նրա պաշտոնական էջում հայտնել է նրա այրին՝ Իրինան:
«Այսօր առավոտյան մահացավ Յարոսլավը՝ մեր սիրելի Ֆանտազյորը: Շնորհակալություն, սիրելի՛ հեռուստադիտողներ, ունկնդիրներ, մեծ արտիստի ստեղծագործության հանդեպ ձեր սիրո, ուշադրության և ծափահարությունների համար: Շնորհակալություն, սիրելի՛ հետևորդներ, ձեր բարի խոսքերի և մաղթանքների համար, որոնք մեծապես աջակցել են Յարոսլավին, նրան ուժ և հավատ են տվել, որ շատ գեղեցիկ երգեր են երգվել, և նրա կյանքը իզուր չի անցել: Հարգանքով և երախտագիտությամբ՝ Իրինա», – գրել է Բելառուսի ժողովրդական արտիստի այրին:
Ինչպես նշում է ՌԻԱ Նովոստին՝ հղում անելով արտիստի տնօրենին, Եվդոկիմովը մահացել է այսօր առավոտյան երկարատև հիվանդության հետևանքով:
Յարոսլավ Եվդոկիմովը ծնվել է 1946 թվականի նոյեմբերի 22-ին՝ Ուկրաինայի ԽՍՀ Ռովնո քաղաքում: Նրա կարիերան սկսվել է 1970-ականներին, իսկ համամիութենական ճանաչում է բերել 1989 թվականին նրա կողմից կատարված «Ֆանտազյոր» լիրիկական բալլադը։ Այն դարձել է Եվդոկիմովի այցեքարտը և խորհրդային բեմի խորհրդանիշներից մեկը։
Հրաժեշտը Յարոսլավ Եվդոկիմովին, ինչպես սպասվում է, տեղի կունենա Մինսկում։ Արարողության ճշգրիտ ամսաթիվը և վայրը կհայտարարվեն ավելի ուշ։
