«Տոտենհեմը» հայտարարեց Սոն Հյուն Մինի տեղափոխության մասին
Հարձակվող Սոն Հյուն Մինը «Տոտենհեմ Հոտսփուրից» տեղափոխվել է «Լոս Անջելես» ակումբ։ Այդ մասին հաղորդվում է լոնդոնյան ակումբի պաշտոնական կայքում։
Ֆուտբոլիստն առաջիկայում կմիանա իր նոր թիմին։
Հարավային Կորեայի հավաքականի խաղացողը ֆուտբոլային կրթություն ստացել է «Սեուլի» և «Համբուրգի» ակադեմիաներում, իսկ պրոֆեսիոնալ մակարդակում հանդես է եկել նաև «Բայերի» կազմում։ Սոնն ընդգրկվել է «Տոտենհեմի» կազմում 2015 թվականին, որի ընթացքում մասնակցել է 454 հանդիպման՝ խփելով 173 գոլ և կատարելով 101 գոլային փոխանցում։
Transfermarkt պորտալի տվյալներով՝ Սոն Հյուն Մինի շուկայական արժեքն այժմ կազմում է 20 միլիոն եվրո։ Նրա պայմանագիրը «Տոտենհեմի» հետ ուժի մեջ էր մինչև 2026 թվականի հունիսի 30-ը։
