Իրանը պահանջում է ՄԱԿ-ի Անվտանգության խորհրդի արտակարգ նիստ հրավիրել
Իրանի դեմ ԱՄՆ-ի կողմից իրականացված հարվածները միջազգային իրավունքի և ՄԱԿ-ի կանոնադրության կոպիտ խախտում են։ Այս մասին հայտարարել է համաշխարհային կազմակերպությունում Իրանի մշտական ներկայացուցիչ Ամիր Սաիդ Իրավանին։
«Անկասկած, [Իրանի] ինքնիշխանության և տարածքային ամբողջականության դեմ ԱՄՆ ռազմական ագրեսիան միջազգային իրավունքի և ՄԱԿ-ի կանոնադրության մեջ ամրագրված պարտադիր միջազգային նորմերի կոպիտ խախտում է», – ասել է Իրավանին ՄԱԿ-ի Անվտանգության խորհրդի նախագահին և գլխավոր քարտուղարին ուղղված նամակում։
Իրանը նաև ասել է, որ ՄԱԿ-ի Անվտանգության խորհրդի արտակարգ նիստ է պահանջել։
