ՌԴ նախագահ Վլադիմիր Պուտինը հեռախոսազրույց է ունեցել Իրանի նախագահ Մասուդ Փեզեշքիանի և Իսրայելի վարչապետ Բենյամին Նեթանյահուի հետ
ՌԴ նախագահը ցավակցություն է հայտնել Իրանի ղեկավարությանը և ժողովրդին իսրայելական հարվածների հետևանքով բազմաթիվ մարդկային զոհերի կապակցությամբ, այդ թվում՝ խաղաղ բնակիչների շրջանում:
Ընդգծել է, որ Ռուսաստանը դատապարտում է Իսրայելի գործողությունները, որոնք ձեռնարկվել են ՄԱԿ-ի կանոնադրության և միջազգային իրավունքի խախտմամբ:
ՌԴ նախագահ Վլադիմիր Պուտինը Իսրայելի վարչապետի հետ զրույցում ընդգծել է բանակցային գործընթացին վերադառնալու եւ Իրանի միջուկային ծրագրին վերաբերող բոլոր հարցերի լուծման կարեւորությունը։ Ռուսաստանը հետագայում ևս կնպաստի Իրանի և Իսրայելի միջև հակամարտության դեէսկալացիային, հայտարարել է Պուտինը՝ հեռախոսազրույցում։
ՌԴ-ն կշարունակի սերտ շփումները ինչպես Իրանի, այնպես էլ Իսրայելի ղեկավարության հետ՝ ուղղված իրավիճակի կարգավորմանը, որը հղի է ողջ տարածաշրջանի համար ամենակործանարար հետեւանքներով, հայտնել են Կրեմլից՝ ամփոփելով Պուտինի եւ Իրանի նախագահի եւ Իսրայելի վարչապետի հետ հեռախոսազրույցները։
