2024 թվականին ԿԽՄԿ-ի աջակցությամբ ԼՂ-ից երեք անձ տեղափոխվել է Հայաստան
Կարմիր խաչի միջազգային կոմիտեի հայաստանյան գրասենյակում ընտանիքների կողմից ստացված դիմումների համաձայն՝ ղարաբաղյան հակամարտության 2020-2023 թվականների սրացումների հետևանքով 429 անձ դեռևս համարվում է անհայտ կորած։ Այս մասին տեղեկատվություն է տարածել Կարմիր խաչի միջազգային կոմիտեի հայաստանյան գրասենյակը։
«62 ընտանիք դիմել է մեզ՝ իրենց անհայտ կորած հարազատների ճակատագիրը պարզելու խնդրանքով, և բացել որոնման հայտեր։ 429 անձ դեռևս անհայտ կորած է համարվում հակամարտության 2020-2023 թթ. սրացումների հետևանքով՝ ընտանիքների կողմից ստացված դիմումների համաձայն»,-նշել է ԿԽՄԿ-ի հայաստանյան գրասենյակը։
Նշվում է, որ ԿԽՄԿ-ն շարունակում ենք աշխատել համապատասխան կառույցների հետ՝ որոնման և նույնականացման գործընթացը դյուրացնելու և ընտանիքներին հուզող հարցերին պատասխաններ տալու ուղղությամբ։
«557 բանավոր, տեսաձայնային և գրավոր Կարմիր խաչի հաղորդագրություններ են փոխանակվել հակամարտության առնչությամբ ազատազրկվածների և նրանց ընտանիքների միջև։ Ավելին, ԿԽՄԿ-ն կանոնավոր կերպով այցելում է պահվող անձանց՝ դիտարկելով ազատազրկման պայմանները և նրանց նկատմամբ վերաբերմունքը, ինչպես նաև նպաստելով հարազատների հետ նրանց կապի պահպանմանը։ 3 անձ Ղարաբաղից Հայաստան է տեղափոխվել մեր աջակցությամբ»,- հաղորդագրության մեջ:
