Ճապոնիան ԱՄՆ-ին խնդրել է պողպատի և ալյումինի ներմուծման մաքսատուրքերը չտարածել Տոկիոյի վրա
Ճապոնիայի արդյունաբերության նախարար Յոջո Մուտոն հայտարարել է, որ իր երկիրը Միացյալ Նահանգներին խնդրել է պողպատի և ալյումինի ներմուծման մաքսատուրքերը չտարածել Տոկիոյի վրա։ Այս մասին հաղորդում է Reuters գործակալությունը։ ԱՄՆ նախագահ Դոնալդ Թրամփը 25% մաքսատուրքեր է սահմանել երկիր ներմուծվող ամբողջ պողպատի և ալյումինի վրա «առանց բացառությունների»։
Ավելի ուշ Թրամփը հայտարարել է, որ կդիտարկի պողպատի համար մաքսատուրքերից Ավստրալիային ազատելու՝ այդ երկրի իշխանությունների խնդրանքը, քանի որ Վաշինգտոնի և Կանբերայի միջև կա առևտրային դեֆիցիտ։
ԱՄՆ ներմուծվող պողպատի խոշորագույն մատակարարը Կանադան է, նրան հաջորդում են Բրազիլիան, Մեքսիկան, Հարավային Կորեան և Վիետնամը:
