Էլթոն Ջոնը կատակել է իր կուրության մասին
Բրիտանացի երգիչ և կոմպոզիտոր Էլթոն Ջոնը Լոս Անջելեսում «Ոսկե գլոբուս» մրցանակաբաշխության ժամանակ կատակել է իր կուրության մասին։
The Sun-ի փոխանցմամբ՝ 77-ամյա կուրացող երաժիշտը լավագույն ֆիլմի համար մրցանակը հանձնել է երգչուհի Բրենդի Կարլիլի ընկերակցությամբ։
«Սա առանձնահատուկ երեկո է ինձ համար, քանի որ չգիտեմ՝ գիտե՞ք արդյոք, բայց շատ պատմություններ են եղել իմ տեսողության վատթարացման մասին: Ես պարզապես ուզում եմ բոլորին վստահեցնել, որ ամեն ինչ այնքան էլ վատ չէ, որքան թվում է: Ես այնքան ուրախ եմ, որ այստեղ եմ իմ համահաղորդավար Ռիհաննայի հետ»,- կատակել է նա:
2024 թվականի ամռանը Էլթոն Ջոնը, վարակիչ հիվանդությունից հետո, հայտարարել էր աջ աչքի կուրացման մասին։ Նա դժգոհում է նաև ձախ աչքի տեսողությունից։
