Սարգիս Ադամյանը վերադարձել է նախկին ակումբ
Հայաստանի ֆուտբոլի ազգային թիմի անդամ Սարգիս Ադամյանը վերադարձել է նախկին ակումբ:
Սարգիս Ադամյանը կրկին հանդես կգա «Յան Ռեգենսբուրգ» ակումբում, որտեղ խաղացել է 2017-19 թվականներին:
Ադամյանի նոր պայմանագիրը «Յան Ռեգենսբուրգ»-ի հետ նախատեսված է մինչև ընթացիկ տարվա հունիսի 30-ը:
«Հրաշալի ճանաչում եմ «Յան Ռեգենսբուրգ»-ին և ուրախ եմ կրկին այստեղ հանդես գալու համար»,-ասել է Ադամյանը:
Հայազգի հարձակվողը մինչ այս հանդես էր գալիս «Քյոլն»-ում, «Հոֆենհայմ»-ում: Ադամյանը 31 տարեկան է: Հայաստանի ֆուտբոլի ազգային թիմի կազմում մասնակցել է 36 հանդիպման:
