ԱՄՆ-ն հայտարարել է, որ չինացի հաքերները կոտրել են ֆինանսների նախարարության ներքին ցանցը
Չինաստանի կառավարության կողմից հովանավորվող խմբի հաքերները ներթափանցել են ԱՄՆ ֆինանսների նախարարության համակարգչային համակարգ և մուտք են գործել աշխատանքային համակարգիչներ և չգաղտնազերծված փաստաթղթեր։ Այս մասին «Ամերիկայի Ձայն»-ին հայտնել է ֆինանսների նախարարության ներկայացուցիչը։
Առկա տեղեկատվության համաձայն՝ հաքերային հարձակումն իրականացրել է Չինաստանի կողմից հովանավորվող Advanced Persistent Threat (APT) խումբը։ Այս մասին ասված է ԱՄՆ ֆինանսների նախարարության կողմից այսօր Սենատի բանկային, բնակարանային և քաղաքային հարցերով հանձնաժողովին ուղարկված նամակում։
Ըստ գանձապետարանի պաշտոնյայի, ով խոսել է «Ամերիկայի ձայնի» հետ՝ անանունության պայմանով, հարձակվողը մուտք է ստացել գերատեսչության աշխատակիցների աշխատանքային համակարգիչներ՝ կոտրելով կիբերանվտանգության ոլորտում ծառայություններ մատուցող BeyondTrust մատակարարին:
