Տղամարդը Վորոնեժում հրկիզել է իրեն եւ ընկել 19-րդ հարկից. ոմանք նրան անօդաչուի տեղ են դրել
Դեկտեմբերի 7-ին Վորոնեժում այրվող տղամարդն ընկել է 19-րդ հարկի պատշգամբից։ Ականատեսները հայտնում են, որ քաղաքացին ինքնահրկիզվել է, գրել է «ՌԻԱ «Վորոնեժը»։
Տղամարդը ընկել է ներքեւում կայանած մեքենայի վրա։ Մեքենան այրվել է։
Տեղի բնակիչները սոցցանցերում հրապարակել են կադրեր եւ տեղեկացրել, որ հարեւանները հանգցրել են կրակը կրակմարիչով եւ փորձել փրկել մեքենան, բայց ստիպված են եղել փրկարարներ կանչել։
Ինչպես տեղեկացրել է Baza թելեգրամ-ալիքը, բնակիչները տղամարդուն ընկնող անօդաչուի տեղ են դրել։
Տեղի ԱԻՆ վարչության մամուլի ծառայությունում տեղեկացրել են, որ հրդեհի մասին տեղեկություն է ստացվել ժամը 01.23-ին։ Տուժել է երկու ավտոմեքենա։ Ford Focus-ը լրիվ այրվել է։ Ford Transit-ը վնասվել է մասնակի։ Հրդեհը մարել են հրշեջ-փրկարարները՝ 15 փրկարարներ եւ չորս միավոր տեխնիկա։ Հրդեհը մարվել է ժամը 01.36-ին։
«ՌԻԱ «Վորոնեժ»-ին տեղի Քննչական կոմիտեում հայտնել են, որ քննիչները պարզում են երիտասարդի մահվան հանգամանքները։
