Էրդողանն ու Պուտինը հեռախոսազրույց են ունեցել
Հոկտեմբերի 7-ին Թուրքիայի նախագահ Ռեջեփ Թայիփ Էրդողանի և Ռուսաստանի Դաշնության նախագահ Վլադիմիր Պուտինի միջև հեռախոսազրույց է տեղի ունեցել: Այս մասին տեղեկացնում է ermenihaber.am-ը։
Զրույցի ընթացքում քննարկվել են Թուրքիա-Ռուսաստան հարաբերությունները, ինչպես նաև տարածաշրջանային և միջազգային հարցեր։
Էրդողանը գոհունակություն է հայտնել առ այն, որ երկկողմ հարաբերություններն ամրապնդվում են և զարգանում։
Նա նշել է, որ բարձր մակարդակի քաղաքական երկխոսությունը շարունակվելու է, այդ թվում՝ շարունակելու են նաև առաջիկայում տարբեր առիթներով մանրամասն քննարկել թե՛ տարածաշրջանում, թե՛ աշխարհում առկա խնդիրները։
Բացի այդ, Թուրքիայի նախագահը շնորհավորել է Պուտինի ծննդյան օրը։
