Ամերիկյան բանկը հայտնում է առաջիկայում թուրքական լիրայի ռեկորդային անկման մասին
Ամերիկյան «Goldman Sachs» ներդրումային բանկը թարմացրել է իր կանխատեսումները Թուրքիայում սպասվող գնաճի և թուրքական ազգային արժույթի՝ լիրա/դոլար հարաբերակցության վերաբերյալ:
Հետազոտության արդյունքների համաձայն, նախապես կանխատեսված տարեկան գնաճը, նվազելով, 62 տոկոսի փոխարեն կազմելու է 51.4 տոկոս, իսկ դոլար/լիրա հարաբերակցությունում հակառակը՝ դոլարի արժեքն աճելու է:
Եթե նախկինում 3, 6 և 12 ամսվա համար կանխատեսված 1 դոլարին համարժեք լիրան կազմելու էր համապատասխանաբար 33, 35 և 39, ապա նոր հետազոտության արդյունքների համաձայն՝ 36, 39 և 44:
