Կայծակի պատճառով հայկական ատոմայականը վթարային կանգառի ռեժիմով անջատվել էր էներգահամակարգից. ՏԿԵՆ
Օգոստոսի 30-ին` ժամը 22։55-ի սահմաններում, Հայկական ատոմայականը վթարային կանգառի ռեժիմով անջատվել է էներգահամակարգից։ Հայտնում են ՀՀ Տարածքային կառավարման և ենթակառուցվածքների նախարարությունից:
Կանգի պատճառ է հանդիսացել կայծակի հարվածը, որի հետևանքով կայանի անտանգության համակարգերը կայանը բերել են անվտանգ կանգառի ռեժիմի։
Ավելի վաղ ՀԷՑ-ից հայտնել էին, որ այսօր՝ ժամը 21:54-ին, Հայկական ատոմային էլեկտրակայանի՝ էլեկտրաէներգետիկ համակարգից դուրս գալու պատճառով վթարային անջատվել է «Բարձրավոլտ էլեկտրական ցանցեր» ընկերությանը պատկանող «Շահումյան 2» ենթակայանի ավտոմատիկան։
