Կոնգոյի Դեմոկրատական Հանրապետությունում զինյալները սպանել են 30 գյուղացու
Առնվազն 30 մարդ է սպանվել Կոնգոյի Դեմոկրատական Հանրապետության արևելքի գյուղերից մեկում «Դեմոկրատական ուժերի դաշինք» (ԴՈՒԴ) ծայրահեղական խմբավորման զինյալների կողմից։
Ըստ Կոնգոյի ռազմական իշխանությունների ներկայացուցչի՝ զինված խումբը հարձակվել է Մայիկենգո գյուղի վրա (Հյուսիսային Կիվուի նահանգ) հունիսի 12-ին: Ավելի վաղ հաղորդվում էր 20 զոհի մասին։
Իշխանությունները հարձակման մեջ մեղադրել են ԴՈՒԴ-ին: Այն ստեղծվել է 1995 թվականին Ուգանդայի արևմուտքում մուսուլմանական աղանդի հիման վրա՝ որպես իսլամիստական կազմավորում, որն ընդդիմադիր էր երկրի կառավարությանը։ 2003 թվականին Ուգանդայի զինված ուժերի հարվածներից հետո ԴՈՒԴ-ի ջոկատները նահանջել են և թաքնվել Կոնգոյի Դեմոկրատական Հանրապետության արևելյան շրջաններում, որտեղ ներկայումս հարձակումներ են գործում ռազմական և քաղաքացիական օբյեկտների վրա:
