Պակիստանի անվտանգության ուժերը հայտնել են ահաբեկիչների գրոհը հետ մղելու մասին․ կան զոհեր
Պակիստանի անվտանգության ուժերը հետ են մղել արմատական խմբավորման զինյալների հարձակումը Գվադարի նավահանգստի կառավարման ընկերության շենքի վրա։ Զոհվել է 2 զինծառայող, 8 ահաբեկիչ։ Այս մասին հաղորդում է The Express Tribune թերթը։
Ըստ պարբերականի տվյալների՝ ահաբեկչական խմբավորման ութ ծայրահեղականները փորձել են գրոհով գրավել վարչական համալիրը, որտեղ տեղակայված են կառավարական գերատեսչությունների և անվտանգության ծառայությունների գրասենյակները։ Զինյալները կիրառել են ինքնաշեն պայթուցիկ սարքեր և հրազեն։
Ինչպես հայտնում է The Express Tribune-ը, համալիրի անվտանգության ծառայությունը հաջողությամբ հետ է մղել հարձակումը։ Բախման ընթացքում բոլոր հարձակվողները ոչնչացվել են։ Զոհվել է նաև երկու զինծառայող։
Պակիստանի Բելուջիստանի մարզում իրադրությունը լարված է մնում 2021 թվականի վերջից՝ ազգայնական և անջատողական խմբավորումների ակտիվացման պատճառով։ Ծայրահեղականների հարձակումները սպառնալիք են ստեղծում նահանգում գտնվող Գվադար ծովային նավահանգստի անվտանգության համար, որը համարվում է Չինաստանի «Մեկ գոտի, մեկ ճանապարհ» գլոբալ նախաձեռնության առանցքային օբյեկտներից մեկը:
