Էրեբունի հիվանդանոց է տեղափոխվել 5-6 ամյա երեխայի դի
Քիչ առաջ մահացած վիճակում Էրեբունի բժշկական կենտրոն է տեղափոխվել 5-6 տարեկան տղա երեխա: Այս մասին հաղորդում է shamshyan.com կայքը:
Ինչպես հայտնում է ֆոտոլրագրող Գագիկ Շամշյանը, ըստ տեղեկությունների՝ երեխան փողոցն անցնելու ժամանակ վրաերթի է ենթարկվել:
Այժմ Ոստիկանության Էրեբունու բաժնի օպերատիվ քննչական խումբը Ճանապարհային ոստիկանության օպերատիվ կառավարման կենտրոնի և Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչներով փորձում են պարզել երեխայի մահվան հանգամանքները, ինչպես նաև՝ մահացած երեխայի ինքնությունը:
