Մադուրոն խոստացել է ընտրություններում հաղթելու դեպքում հետաքննել Չավեսի հիվանդության պատճառները
Ռուսական ИТАР-ТАСС լրատվական գործակալության փոխանցմամբ՝ Վենեսուելայի նախագահի պաշտոնակատար, ապրիլի 14-ի արտահերթ նախագահական ընտրությունների թեկնածու Նիկոլաս Մադուրոն խոստացել է հաղթանակի դեպքում ստեղծել հանձնաժողով, որը կհետաքննի հանգուցյալ Ուգո Չավեսի հիվանդանալու հանգամանքները:
Մադուրոն վստահություն է հայտնել, որ Չավեսին վարակել են վիրուսով՝ նրան հեղափոխական ճանապարհից վերացնելու համար: Նա հիշեցրել է, որ մշտապես գտնվել է Չավեսի կողքին, երբ նա սկսեց պայքարել ուռուցքի դեմ և չի կասկածում, որ նրան «վարակել են քաղցկեղով».
«Համացանցում շատ հոդվածներ կան այն մասին, որ ԱՄՆ-ը դեռևս 1940-ական թվականներին փորձեր է ձեռնարկել, մեթոդներ է մշակել բակտերոլոգիական պատերազմ վարելու համար»:
