Հայաստանի և Ադրբեջանի արտգործնախարարները մոտ ապագայում կհանդիպեն. Ալիև
Հայաստանի և Ադրբեջանի արտգործնախարարները մոտ ապագայում հանդիպում կանցկացնեն։
Ինչպես հաղորդում են ադրբեջանական լրատվականները, այս մասին ասել է Ալիևը ԵԱՀԿ գլխավոր քարտուղար Հելգա Շմիդտի հետ հանդիպման ժամանակ։
«ԵԱՀԿ գլխավոր քարտուղար Հելգա Շմիդտի զրույցի ընթացքում արծարծվել են կլիմայի փոփոխության թեմայով Ադրբեջանի և ԵԱՀԿ-ի համագործակցության և այդ համատեքստում համատեղ միջոցառումների անցկացման հարցեր։
Տեղի է ունեցել նաև մտքերի փոխանակում տարածաշրջանային խնդիրների շուրջ։
Ալիևը նշել է, որ Գերմանիայի կանցլերի նախաձեռնությամբ կազմակերպված հանդիպումը օգտակար է եղել և անցել կառուցողական մթնոլորտում՝ ընդգծելով, որ արդեն ձեռք են բերվել պայմանավորվածություններ Հայաստանի և Ադրբեջանի միջև հարաբերությունների կարգավորման, սահմանների սահմանազատման և խաղաղության շուրջ բանակցություններ վարելու վերաբերյալ։ Ա
Այս առումով, պայմանավորվածություն է ձեռք բերվել, որ շուտով հանդիպումներ կլինեն արտգործնախարարների մակարդակով»,-ասված է հայտարարության մեջ։
