Հյուսիսային Կորեան հայտնել է Hwasal-2 ռազմավարական թևավոր հրթիռի փորձարկման մասին
Հյուսիսային Կորեան հաղորդել է, որ անցկացրել է Hwasal-2 ռազմավարական թևավոր հրթիռի արձակման վարժանքներ:
«ԿԺԲ-ն (Կորեայի ժողովրդական բանակ) հունվարի 30-ին… Hwasal-2 ռազմավարական թևավոր հրթիռի արձակման վարժանքներ է անցկացրել», – հայտնել է Կորեայի լրատվական գործակալության հաղորդագրության մեջ:
Նշվում է, որ այս վարժանքները «նպաստել են շտապ հակահարձակման համար բանակի պատրաստականության ստուգմանը և ռազմավարական հարված հասցնելու նրա կարողության բարձրացմանը»։
Փհենյանում պնդում են, որ փորձարկումները ոչ մի բացասական ազդեցություն չեն ունեցել հարևան երկրների անվտանգության վրա։
Ավելի վաղ հարավկորեական Yonhap լրատվական գործակալությունը հաղորդել էր, որ Հյուսիսային Կորեան հունվարի 30-ին մի քանի թևավոր հրթիռի արձակում է իրականացրել արևմտյան ափի մոտ։ Ըստ Հարավային Կորեայի զինված ուժերի շտաբների պետերի միացյալ կոմիտեի՝ արձակումը տեղի էր ունեցել հունվարի 30-ին, առավոտյան ժամը 7։00-ին։
