Իրանի նախագահ Էբրահիմ Ռայիսին այցով մեկնել է Անկարա
Իրանի նախագահ Էբրահիմ Ռայիսին իր պաշտոնակից Ռեջեփ Թայիփ Էրդողանի հրավերով հունվարի 24-ին ուղևորվել է Անկարա։
Ռայիսին կմասնակցի Իրանի և Թուրքիայի տնտեսական համագործակցության բարձրագույն խորհրդի VIII նիստին։
Այցի շրջանակներում Անկարայում Թուրքիայի նախագահ Էրդողանի և Իրանի նախագահ Ռայիսիի նախագահությամբ տեղի կունենա Թուրքիայի և Իրանի միջև բարձր մակարդակի համագործակցության խորհրդի ութերորդ նիստը։
Ռայիսին և Էրդողանը կմասնակցեն նաև Իրանի և Թուրքիայի գործարարների համատեղ հանդիպմանը։ Իրանի նախագահը կհանդիպի Թուրքիայում բնակվող իրանցիների հետ։
Այս այցը պետք է կայանար հունվարի 5-ին, սակայն հետաձգվել էր Իրանի Քերման նահանգում իրականացված ահաբեկչության պատճառով։
