Հերթական խաբեությունը` սոցցանցերում. Արթուր Պապյանը զգուշացնում է
Սոցցանցերի հայկական տիրույթում հերթական խաբեության միջոցով փորձում են օգտատերերի անձնական տվյալները ստանալ, այս անգամ` աշխատանք առաջարկելու պատրվակով։ Մեդիափորձագետ Արթուր Պապյանը մարդկանց հորդորում է ավելի զգոն լինել և կասկածելի հղումներով չանցնել։
Նա նշում է, որ խարդախներն աշխատանք են առաջարկում են «Ամազոնի», «Երևան սիթիի» ու «Օզոնի» անունից, իսկ մանրամասներին ծանոթանալու համար առաջարկում են անցնել հղումով։
«Նոր տարի, նոր սպառնալիքներ, այս անգամ` «Օզոնի» անվան տակ»,– գրել է Պապյանը ֆեյսբուքյան էջում։
Նա վերահրապարակել է Անձնական տվյալների պաշտպանության գործակալության գրառումը, որում նշվում է, որ «Օզոնի» անունից հրապարակված հայտարարությունը կեղծիք է։
Ըստ այդ հայտարարության` «Օզոնն» իբր աշխատանքի է հրավիրում փորձառություն չունեցող և առցանց աշխատելու ցանկություն ունեցող անձանց` խոստանալով օրական մինչև 300000 դրամ աշխատավարձ։ «Ամազոնի» անունից «առաջարկվում է» օրական մինչև 90.000 դրամ աշխատավարձ։
