«Հայկյան-2023»-ը մրցանակներ է հանձնել
«Լույս» հիմնադրամի գիտաժողովների սրահում այսօր տեղի է ունեցել «Հայկյան-2023» մրցանակաբաշխությունը: Մրցանակաբաշխությանը ներկա է գտնվել ՀՀ երրորդ նախագահ Սերժ Սարգսյանը:
Ավանդական դարձած՝ ամենամյա այս մրցանակաբաշխությունը նպատակ ունի բացահայտել և գնահատել այն անհատներին, կազմակերպություններին, որոնք տարվա ընթացքում տարբեր ոլորտներում նշանակալի մասնակցություն են ունեցել հանրային, հասարակական կյանքում, նպաստել հանրային արժեք ստեղծելուն, ջանքեր ներդրել մեր Հայրենիքի և ժողովրդի առջև ծառացած լրջագույն մարտահրավերների դիմագրավման ուղղությամբ:
«Հայկյան» անվանակարգերը յուրատեսակ շնորհակալության և գնահատանքի արտահայտման հնարավորություն են։
Վերջին տարիներին մրցանակաբաշխությունը կազմակերպում է «Առաջինը՝ Հայաստան» նախաձեռնությունը:
«Հայկյան -2023» հատուկ մրցանակներով պարգևատրվել են՝
1. Անաչառ և ազատ լրատվություն մատուցելու համար – Անի Գևորգյանը
2. Արցախից բռնի տեղահանված մեր հայրենակիցներին մեծածավալ սոցիալական օգնություն տրամադրելու համար – «Մենք և մունք» քաղաքացիական նախաձեռնությունը
3. Հայ գերիների հայրենադարձման աշխատանքներում նշանակալի ներգրավվածության համար – «Միջազգային և համեմատական իրավունքի կենտրոնի» ղեկավար, իրավապաշտպան, փաստաբան, Մարդու իրավունքների եվրոպական դատարանում (ՄԻԵԴ) հայ գերիների ներկայացուցիչ Սիրանուշ Սահակյանը
4. «Հայացք» մատենաշար նախագծի համար – «Հայացք» վերլուծական կենտրոնի խորհրդի նախագահ Կարեն Բեքարյանը
5. 44-օրյա պատերազմի ընթացքում իրականացրած մասնագիտական աշխատանքի համար – Արթուր Տոնոյանը
6. Առողջապահության ոլորտում ներդրած ավանդի և ռևմատոլոգիայի զարգացման համար – Քնարիկ Գինոսյանը
7. Երիտասարդներին հասարակական ակտիվ գործընթացներում ներգրավելու համար – Կարիերայի դպրոցի հիմնադիր Աշոտ Անդրեասյանը
8. Առողջապահության ոլորտում ներդրած ավանդի համար – «ԱՄԱԴԵԱ» Իսպանայի հայ բժիկների ասոցիացիան
9. Առողջապահության ոլորտում ներդրած ավանդի համար – Գագիկ Հեբոյանը
