Պուտինը աջակցություն է հայտնել Պաղեստինի ժողովրդին անկախ պետություն ստեղծելու հարցում

Ռուսաստանի նախագահ Վլադիմիր Պուտինը Պաղեստինի առաջնորդ Մահմուդ Աբասի հետ հեռախոսազրույցի ընթացքում աջակցություն է հայտնել պաղեստինյան ժողովրդին սեփական անկախ պետություն ստեղծելու նպատակին հասնելու հարցում։

Այս մասին հայտնում է WAFA գործակալությունը երկու երկրների ղեկավարների բանակցություններից հետո։ «Նախագահ Պուտինն ընդգծել է Ռուսաստանի աջակցությունը Պաղեստինի ժողովրդին, որպեսզի նրանք կարողանան հասնել ազատության և անկախության իրենց անկախ Պաղեստին պետությունում՝ միջազգային լեգիտիմությանը համապատասխան», -ՏԱՍՍ-ի փոխանցմամբ՝ ասվում է հայտարարության մեջ: