«Ես կարող էի ինձ ներում շնորհել, երբ հեռացա…». Թրամփ
ԱՄՆ նախկին նախագահ Դոնալդ Թրամփը հայտարարել է, որ ներում չի շնորհի ինքն իրեն, եթե 2024 թվականին կրկին հաղթի ընտրություններում։
Հիշեցնենք, որ ԱՄՆ նախկին նախագահին սպառնում է ավելի քան 90 մեղադրանք չորս քրեական գործերով, այդ թվում՝ նախորդ ընտրությունների արդյունքները հօգուտ իրեն ուղղելու փորձերի։
Թրամփը, ով կրկին առաջադրվել է 2024 թվականին նախագահական ընտրություններում, շարունակում է պնդել, որ ինքն անմեղ է և իր հանդեպ քրեական հետապնդումը որակել է որպես քարոզարշավը տապալելու փորձ:
«Ես կարող էի ինձ ներում շնորհել… Ինձ նման հնարավորություն ընձեռվել է… Ես կարող էի ինձ ներում շնորհել, երբ հեռացա։ Ես ասացի՝ ինձ ընդհանրապես չի հետաքրքրում նույնիսկ դրա մասին մտածելը»,- ասել է Թրամփը։
