Սոթք-Քարվաճառ ավտոճանապարհին արգելափակել է 7 ավտոմեքենա
Մարտի 8-ին, ժամը 02.35-ին ԱԻ նախարարություն ահազանգ է ստացվել, որ Սոթք-Քարվաճառ ավտոճանապարհին ձնակույտի մեջ արգելափակվել է 7 ավտոմեքենա։
Դեպքի վայր է մեկնել «Զիլ-131» մակնիշի ամենագնացը, որը Ժամը 04.24-ին ճանապարհի անանցանելիության պատճառով կանգ է առել ավտոմեքենաներից մոտ 500 մ հեռավության վրա: Հրշեջ-փրկարարները ճանապարհի այդ հատվածում հանդիպել են արգելափակված 2 ավտոմեքենա, որոնց վարորդներին տեղափոխել են «Կունգ»:
Ժամը 05.45-ին կապ է հաստատվել Սոթքի գյուղապետ Կ.Շահսուվարյանի հետ, ով հավաստիացրեց, որ դեպքի վայր կուղարկի համապատասխան տեխնիկա:
Մարտի 8-ին, ժամը 11.35-ին դրությամբ հրշեջ-փրկարարները Սոթք-Քարվաճառ ավտոճանապարհին արգելափակված 7 ավտոմեքենաները դուրս են բերել արգելափակումից:
