«Օպելի» վարորդը հետընթաց վարելիս՝ վրաերթի է ենթարկել կնոջը
Օգոստոսի 28-ին, ժամը 18.17-ին, ոստիկանության Արագածոտնի մարզի օպերատիվ կառավարման կենտրոնից հաղորդում է ստացվել, որ Ապարան քաղաքի Մ. Բաղրամյան փողոցում տեղի ունեցած վրաերթի հետևանքով ստացած կոտրվածքներով բուժօգնության է տեղափոխվել 1952 թ. ծնված մի կին:
Նրան հիվանդանոց է տեղափոխել հենց վրաերթ կատարած մեքենայի վարորդը:
Պարզվել է, որ կնոջը վրաերթի է ենթարկել 1961 թ. ծնված մի տղամարդ` հետընթաց վարելով «Օպելը»:
Կազմված փաստաթղթերը ներկայացվել են Արագածոտնի մարզային քննչական վարչություն:
