Ադրբեջանը ԼՂ երեխաներին մեղադրում է իրենց ծննդյան օրը թխվածքաբլիթ ուտելու համար․ Մարուքյան
Լեռնային Ղարաբաղում էթնիկ զտումների և ցեղասպանության կազմակերպման համար մեղադրվող Ադրբեջանը Լեռնային Ղարաբաղի երեխաներին մեղադրում է իրենց ծննդյան օրը շատ համեղ թխվածքաբլիթ ուտելու համար: Այս մասին X սոցիալական ցանցի (նախկին Twitter) իր էջում գրել է ՀՀ հատուկ հանձնարարություններով դեսպան Էդմոն Մարուքյանը։
«Սա հիանալի ցուցանիշ է Լեռնային Ղարաբաղի խաղաղ բնակչության նկատմամբ Ադրբեջանի քաղաքականությունը հասկանալու համար։ Ուստի Լեռնային Ղարաբաղի ժողովրդի իրավունքներն ու անձեռնմխելիությունը երաշխավորող միջազգային մեխանիզմն ունի առաջնային նշանակություն»,- հավելել է Մարուքյանը։
Նշենք, որ Ադրբեջանի մշտական ներկայացուցիչ Յաշար Ալիևը ՄԱԿ-ի Անվտանգության խորհրդի երեկվա նիստում հայտարարեց, թե Լաչինի միջանցքը շրջափակելու վերաբերյալ Հայաստանի մեղադրանքներն անհիմն են: Նա իր ելույթի վերջում խոսեց արցախցի օգտատերերի հրապարակումների մասին, որոնցում մարդիկ ծնունդ ու հարսանիք են նշում, և լուսանկարներ ցուցադրեց։
