ՌԴ փոխարտգործնախարարը, Ռուսաստանում Հայաստանի և Ադրբեջանի դեսպանները քննարկել են Լեռնային Ղարաբաղում տիրող իրավիճակը

Ռուսաստանի փոխարտգործնախարար Միխայիլ Գալուզինը, ՌԴ-ում Հայաստանի դեսպան Վաղարշակ Հարությունյանն ու Ադրբեջանի դեսպան Փոլադ Բյուլբյուլօղլին քննարկել են Լաչինի միջանցքում և ընդհանրապես Լեռնային Ղարաբաղի շուրջ իրավիճակի զարգացումը։

Այս մասին ասվում է ՌԴ ԱԳՆ-ի պաշտոնական կայքում տարածած հաղորդագրության մեջ:

Նշվում է, որ քննարկվել է Լաչինի միջանցքում և ընդհանրապես Լեռնային Ղարաբաղի շուրջ իրավիճակի զարգացումը, ընդգծվել է Ռուսաստանի, Հայաստանի և Ադրբեջանի ղեկավարների միջև 2020-2022 թվականներին հայ-ադրբեջանական հարաբերությունների կարգավորման շուրջ ձեռք բերված պայմանավորվածությունների պահպանման անհրաժեշտությունը։