NASA-ն և Boeing-ը պատրաստում են ապագայի ինքնաթիռը՝ թևի նոր դիզայնով
Արդիականացված ինքնաթիռները կսկսեն կիրառվել 2030-ական թվականներին։ Դրանք կունենան նորարարական դիզայն և կկարողանան սպառել մինչև 30% ավելի քիչ վառելիք, քան ներկայիս ինքնաթիռների մոդելները:
Նոր ինքնաթիռների մշակումը «Sustainable Flight Demonstrator» նախագծի մի մասն է: Ինչպես նշում է The Verge-ը, ստեղծված նեղ կորպուսով ինքնաթիռը կունենա թևի դիզայն, որը կոչվում է transonic trussed: Նման թևը գտնվում է ստանդարտից ավելի բարձր, այն ավելի երկար է, բայց միևնույն ժամանակ՝ ավելի քիչ լայն: Այն հենված է պատյանի ներքևից ձգվող հենարանով:
Օդանավի փոփոխված դիզայնը ազդում է նրա էրգոնոմիկայի վրա: Թևն ու հենարանը օդանավին ավելի մեծ վերելք են ապահովում, և դրանց գտնվելու վայրը ավելի քիչ քաշքշուկ է ստեղծում: ՆԱՍԱ-ի և Boeing-ի գլխավոր մարտահրավերներից մեկը պարզելն է, թե ինչպես փոխել ինքնաթիռի դիզայնը՝ առանց դրա քաշը մեծացնելու:
Հետաքրքիր փաստ. NASA-ն արդեն ունի ապագայի մի տեսակ ինքնաթիռ: Խոսքը X-59 QueSST-ը փորձարարական սարքի մասին է, որը նախատեսված է գերձայնային ուղևորափոխադրումների ընդունելիությունը գնահատելու համար։ Ներկայումս այն գտնվում է շարժիչի տեղադրման փուլում, բայց քիչ հավանական է, որ այն երբևէ օգտագործվի առևտրային ուղևորափոխադրումների մեջ՝ ի տարբերություն այն ինքնաթիռի, որը ստեղծվելու է՝ որպես Կայուն թռիչքների ցուցադրման մաս:
NASA-ի և Boeing-ի ապագա ինքնաթիռի առաջին նախատիպը պետք է հայտնվի 2028 թվականին։ 2030-ականներին նախատեսվում են կոմերցիոն թռիչքներ։
Սիրարփի Աղաբաբյան
