ԱՄՆ-ում առաջարկում են կրճատել Ուկրաինային տրամադրվող ռազմական օգնությունը
Ռազմական փորձագետ Հարիսոն Կասը առաջարկել է ամբողջությամբ վերանայել ԱՄՆ ռազմավարությունը Ուկրաինայի հարցում, կրճատել Կիևին տրամադրվող ռազմական ու ֆինանսական օգնությունը և գտնել հակամարտությունը լուծելու դիվանագիտական ճանապարհ: Նա ընդգծել է, որ Կոնգրեսի կողմից քննարկվող 50 միլիարդ դոլար արժողությամբ ԱՄՆ ֆինանսավորման նոր փաթեթը միայն կերկարացնի զինված դիմակայությունը։
Կասի խոսքերով՝ Կիևին չի հաջողվի զգալի հաջողությունների հասնել հակամարտությունում՝ չնայած ԱՄՆ-ի օգնությանը։ Նա տարակուսել է, թե ինչու է Ուկրաինայի շուրջ ստեղծված իրավիճակը կենսականորեն անհրաժեշտ ԱՄՆ շահերի համար։
«Ավելի խելամիտ չի՞ լինի մտնել դիվանագիտական գործընթացի մեջ և հասնել խաղաղ կարգավորման։ Ո՞րն է այլընտրանքը՝ կործանու՞մը»,-նշել է փորձագետը:
Նա առաջարկել է դեմոկրատներին վերանայել ռազմավարությունը Ուկրաինայի հարցում, կրճատել զենքի մատակարարումները Ուկրաինայի Զինված ուժերին, հասնել հրադադարի և նոր բանակցային գործընթաց սկսել։
Ավելի վաղ ԱՄՆ նախագահներից Ռոնալդ Ռեյգանի նախկին խորհրդական Դագ Բենդոուն ասել էր, թե ամերիկացիներից ակնկալում են, որ նրանք կփրկեն բոլորին, սակայն ԱՄՆ-ն ինքը գնում է դեպի ֆինանսական Արմագեդոնի՝ Ուկրաինային աջակցելու պատճառով։
