ՌԴ և Թուրքիայի նախագահները կարճ զրույց են ունեցել ՇՀԿ գագաթնաժողովի շրջանակներում
Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանը Սամարղանդում` Շանհայյան համագործակցության կազմակերպության (ՇՀԿ) գագաթնաժողովի շրջանակում կարճատև զրույց են ունեցել: Այս մասին հայտնում է «ՌԻԱ Նովոստի»-ն:
Երկու երկրների ղեկավարները մասնակցել են նաև ծառատունկի արարողությանը։
Սեպտեմբերի 16-ին երկու երկրների նախագահները կանցկացնեն լիարժեք բանակցություններ։ Սպասվում է, որ նրանք գնահատական կտան հացահատիկի գործարքի իրականացմանը։
Ավելի վաղ Վլադիմիր Պուտինը հայտարարել էր, որ դա նախատեսվածի համաձայն չի իրականացվում։
