Էրդողանը պատրաստվում է Պուտինին կրկին առաջարկել հանդիպել Զելենսկու հետ
Թուրքիայի նախագահ Ռեջեփ Թայիփ Էրդողանը սեպտեմբերի 15-16-ը «Շանհայի համագործակցության կազմակերպության» գագաթնաժողովի շրջանակում հանդիպում կունենա Վլադիմիր Պուտինի հետ և կրկին նրան կառաջարկի Թուրքիայում հանդիպել Ուկրաինայի նախագահ Վլադիմիր Զելենսկու հետ։
Այս մասին հայտնում է թուրքական Hürriyet-ը:
Տեղեկության համաձայն՝ Էրդողանը ուղերձ կփոխանցի իր ռուս գործընկերոջը, որ Թուրքիան շարունակելու է գործադրել բոլոր ջանքերը պատերազմը դադարեցնելու համար։
Բացի այդ, ՌԴ և Թուրքիայի նախագահների առաջիկա հանդիպման օրակարգի հիմնական կետերից մեկը լինելու է «հացահատիկային միջանցքի» թեման։
