«Հաղթանակ» զբոսայգում կրակոցներ արձակած անչափահասը բերման է ենթարկվել
ՀՀ ոստիկանության ծառայողները «Հաղթանակ» զբոսայգում կրակոցներ արձակած անչափահասին բերման են ենթարկել:
ՀՀ ոստիկանությունը տեղեկացնում է, որ Քանաքեռ-Զեյթունի բաժնի օպերլիազորը զեկուցագիր է ներկայացրել, որ ապրիլի 11-ին, ժամը 22.20-ին, Ազատության պողոտայում ծառայության ընթացքում «Հաղթանակ» զբոսայգու լճի հարակից տարածքից կրակոցի ձայն են լսել և այդ ուղղությամբ գնալով՝ նկատել են «Տոյոտա» մակնիշի մեքենա, որի վարորդը կրակոց է արձակել:
Վարորդը փորձել է մեքենայով հեռանալ, սակայն ոստիկանները մեքենան կանգնեցրել են և, ապօրինի զենք, զինամթերք պահելու և օգտագործելու կասկածանքով, վարորդին բերման են ենթարկել Քանաքեռ-Զեյթունի բաժին: Բաժնում 18-ը չբոլորած վարորդը մեքենայի սրահից ներկայացրել է ինքնաձիգի նմանվող ատրճանակ, 2 պահեստատուփ և 35 փամփուշտ:
Նշանակվել է դատաձգաբանական փորձաքննություն:
Նախապատրաստվում են նյութեր:
