Թրամփը գործարկել է իր Truth Social սոցցանցի հավելվածը
ԱՄՆ նախկին նախագահ Դոնալդ Թրամփի Trump Social նոր սոցիալական ցանցի հավելվածը հայտնվել է Apple Store-ի շուկայում, հաղորդում է «ՌԻԱ Նովոստին»։
Հավելվածը հասանելի է ներբեռնման համար, սակայն այն դեռ հնարավոր չէ օգտագործել։ Գրանցումից եւ օգտատիրոջ հաշվի ստեղծումից հետո տեղեկացնում են, որ «բարձր պահանջարկի պատճառով» այն գտնվում է սպասողների ցուցակում։
«Մենք սիրում ենք քեզ, եւ դու մեզ համար ընդամենը հերթական համարը չես», – ասվում է հաղորդագրության մեջ։
Truth Social-ը գործարկվել է ԱՄՆ դաշնային տոնի առթիվ. փետրվարի 21-ին ԱՄՆ-ում նշվում է Նախագահի օրը:
