Սերժ Սարգսյանի շտաբի կազմը
ՀՀ նախագահի թեկնածու Սերժ Սարգսյանի նախընտրական շտաբը հիմնականում կազմավորված է: Արդեն հայտարարվել է, որ շտաբի պետը լինելու է ԱԺ նախագահ Հովիկ Աբրահամյանը:
Մեր տեղեկություններով, շտաբի պետի առաջին տեղակալը լինելու է ԱԺ պատգամավոր, ՀՀԿ Գործադիր մարմնի անդամ Կարեն Կարապետյանը, ով զբաղվելու է մարզային շտաբների կազմավորմամբ և դրանց գործունեության համակարգմամբ:
Շտաբի պետի տեղակալներ են լինելու ԱԺ պետաիրավական հարցերի հանձնաժողովի նախագահ Դավիթ Հարությունյանը, ով զբաղվելու է արտաքին կապերով, ինչպես նաև կրթության նախարար Արմեն Աշոտյանը: Հովիկ Աբրահամյանն ունենալու է նաև ՕԵԿ-ական տեղակալ, որը հավանաբար կլինի Հովհաննես Մարգարյանը: