Եվրոպայում գազի գինը վերստին գերազանցել է պատմական ռեկորդը
Հոկտեմբերի 1-ին սակարկությունների բացմանը Եվրոպայում գազի գինը վերստին գերազանցել է պատմական ռեկորդը եւ հասել գրեթե 1200 դոլարի հազար խորանարդ մետրի դիմաց: Այդ մասին են վկայում ICE սակարանի տվյալները։
Նիդեռլանդների TTF հաբում սակարկությունների բացմանը նոյեմբերի ապառնագերն առաջին անգամ հասել են 1199,44 դոլարի հազար խորանարդ մետրի դիմաց: Այդ կտրուկ աճի պատճառներից մեկը կարող էր դառնալ Յամալ – Եվրոպա գազատարով գազի մղման գրեթե եռապատիկ անկումն այս առավոտյան, որն այս պահին արագացել է 4,3 անգամ՝ ժամում մինչեւ 0,5 միլիոն խորանարդ մետր (նախօրյակին ժամում 2,2 միլիոն խորնարդ մետր):
Դա, իր հերթին, կարող էր տեղի ունենալ այն պատճառով, որ նախօրյակին չէին գնվել Յամալ – Եվրոպա գազատարով գազի մատակարարումների կարողությունները հոկտեմբերի 1-ի համար «մեկ օր առաջ» պարտավորագրերով: Այս շաբաթ ավելի վաղ Եվրոպայում գազի գինը պատմության մեջ առաջին անգամ գերազանցել է 1000 դոլարը հազար խորանարդ մետրի դիմաց, իսկ անունհետեւ՝ նաեւ 1100 դոլարը:
«Գազպրոմի» վարչության նախագահ Ալեքսեյ Միլլերն ավելի վաղ հայտարարել է որ Եվրոպայի գազի ստորգետնյա պահեստարաններ գազի մղման խիստ հետ մնալը եւ գազի աճած պահանջարկը հանգեցրել են այն բանին, որ Եվրոպայում վառելիքի այդ տեսակի գները ռեկորդներ սահմանեցին եւ մոտ ժամանակներս կարող են գերազանցել դրանց մեծությունները, հաղորդել է ՏԱՍՍ-ը:
