Բագրատյանը շահագրգռված կլինի խոսել
Երևանի մամուլի ակումբի նախագահ Բորիս Նավասարդյանը «Ազատություն» կուսակցության նախագահ Հրանտ Բագրատյանի հնարավոր առաջադրմանը դրական է վերաբերվում: Բորիս Նավասարդյանի կարծիքով, նախկին վարչապետի առաջադրումը կարող է բովանդականին բազմազանություն մտցնել նախընտրական քարոզչության ժամանակ:
«Երբ հստակ գաղափարական և քաղաքական սկզբունքներով մարդը դուրս է գալիս ընտրապայքարի, դա խոստանում է, որ որոշակի բովանդակություն կունենան այս ընտրությունները»,-168.am-ի հետ զրույցում ասաց Բորիս Նավասարդյանը:
ԵՄԱ նախագահի համոզմամբ, Հրանտ Բագրատյանը երկար ժամանակ կուտակել է իր մտքերը, գաղափարները և հիմա շահագրգռված կլինի բազմազան ելույթներով ներկայանալ հանրությանը:
Բորիս Նավասարդյանի հետ ամբողջությամբ հարցազրույց կարող եք կարդալ «168 ԺԱՄ» թերթի վաղվա տպագիր համարում:
