Հայտնի է՝ որքան բաց կթողնի Դեմբելեն․ «Բարսելոնան» առաջարկ է արել
«Բարսելոնայի» կիսապաշտպան Ուսման Դեմբելեն վիրահատվել է:
Վիրահատությունն անհրաժեշտ էր Ֆրանսիայի ազգային հավաքականի գտնվելու վայրում ստացված աջ ազդրի մկանի վնասվածքի պատճառով:
24-ամյա խաղացողի վերականգնման համար կպահանջվի չորս ամիս:
Բժշկական ընթացակարգն իրականացվել է Ֆինլանդիայում, որտեղ Դեմբելեն արդեն բուժվել է 2017 և 2020 թվականներին:
Անցած մրցաշրջանում Դեմբելեն «Բարսելոնայի» կազմում անցկացրել է 44 խաղ և դարձել 11 գոլի հեղինակ:
«Բարսելոնան» Ուսման Դեմբելեին առաջարկել է նոր պայմանագիր 4 մրցաշրջանի համար՝ տարեկան 6 միլիոն եվրո աշխատավարձով, հայտնում է TV3-ը: Եթե ֆրանսիացին ընդունի առաջարկը, ապա նա կվաստակի նախկինի համեմատ իր աշխատավարձի կեսը:
Դեմբելեի գործող պայմանագիրն ավարտվում է 2022 թվականին, և ենթադրվում է, որ «Բարսելոնան» ցանկանում է պահել խաղացողին: Բայց եթե նա հրաժարվի պայմանագրից, ապա նա պետք է վաճառվի այս ամառ:
Սիրարփի Աղաբաբյան
