Պրահայի կենտրոնում հրաձգություն է տեղի ունեցել
Հունիսի 29-ին հրաձգություն է տեղի ունեցել Պրահայի կենտրոնի Բելեհրադսկա փողցում, որի հետեւանքով ծանր վիրավորվել է մի 50-ամյա կին: Այդ մասին լրագրողներին հայտնել է Պրագայի փրկության ծառայության մամուլի քարտուղար Յանա Պոշտովան:
Կինը, նրա խոսքով՝ «վիրավորվել է Պրահայի Բելեհրադսկա փողոցում տեղի ունեցած հրաձգության ժամանակ:
«Վիրավոր կինը ծանր վիճակում տեղափոխվել է հիվանդանոց»,- ասել է նա:
Մինչդեռ, ոստիկանության ներկայացուցիչները տեղեկացրել են, որ տուժած կինը աշխատանքի բորսայի աշխատակցուհի է:
Նրան կրակել է մոտավորապես 60-ամյա մի տղամարդ: Նրա որոնմանն ու ձերբակալմանն են միացել հատուկ նշանակության ջոկատի մարտիկները, հաղորդել է ՏԱՍՍ-ը:
