Շուշին զոռով են տվել․ Հրանտ Բագրատյան

ՀՀ նախկին վարչապետ Հրանտ Բագրատյանն այսօր ասուլիսում պնդեց՝ Շուշին հանձնել են, ապա անդրադառնալով պատճառներին՝ մի քանի սենսացիոն հայտարարություններ արեց․ «Շուշին ինքը զոռով է տվել, փողով։ Շուշին գիտե՞ս ինչու տվեց․ նախևառաջ, շտապ կարգով, ափալ-թափալ կարգադրեց նահանջել, որ չգնայինք-տեսնեինք՝ ինչպես է  Շուշիում վերացվել ՀՕՊ-ը։ Որովհետև հարց է ծագում՝ ինչո՞ւ պետք է ՀՕՊ-ը լիներ Շուշիում, Ստեփանակերտից են տարել․ ինչի՞ պիտի ընդհանրապես Ստեփանակերտում էլ լիներ․ էդ ինչի՞ Բագրատյանի ժամանակ ՀՕՊ-ը Էջմիածնում էր։

Հաջորդը՝ Շուշին տվեց, որ մենք չտեսնենք, թե ոնց է ոչնչացվում Շուշիի կուլտուրայի պալատը՝ մեջը 4000 դիակ։

Շուշին տվեց, որպեսզի մենք չհասկանանք՝ Կենտրոնական բանկն ինչո՞ւ է այնտեղ բաժանմունք կառուցել։ Այդ իսկանդերն էլ իրոք մենք կրակել ենք, և կրակել են ԿԲ-ի վրա, որ ԿԲ-ի հետքերը վերանան»։

Հրանտ Բագրատյանը նշեց, որ հունիսի 20-ին չպետք է ընտրվի Նիկոլ Փաշինյանը, որպեսզի հնարավոր լինի հետաքննել այս  դրվագները։

«Դեռ այսքանը գիտենք, բա ինչքան էլ սպասվում է մեզ»,- ասաց նա։

Հրանտ Բագրատյանը նաև վստահեցրեց, որ հունիսի 20-ին Փաշինյանի կողմից ընտրությունների կեղծման դեպքում հանգստացում չի լինելու․ «Մեկ է,  մենք պայքարելու ենք, մեկ է, Նիկոլը գնալու է»։