Էջմիածնի բուժաշխատողները ծաղիկներ ու քաղցրավենիք են ստացել որպես իրենց աշխատանքի երախտիք
Էջմիածնի տարբեր բժշկական հաստատությունների աշխատակիցներին ուղարկվել է ծաղիկներ, կոնֆետներ ու թխվածքաբլիթներ՝ որպես երախտիք անբասիր ու նվիրված աշխատանքի համար։ Այս մասին «Ֆեյսբուք» սոցիալական ցանի իր էջում գրառում է կատարել Էջմիածնի քաղաքապետ Դիանա Գասպարյանը։
«Հարգելի՛ բուժաշխատողներ, ընդդեմ համաճարակի այս պայքարում դուք մենակ չեք. մենք ձեզ վստահում ենք ու ձեր կողքին ենք: Շնորհակալ ենք նաեւ այն տնտեսվարողներին, ովքեր աջակցեցին քաղաքապետարանի այս նախաձեռնությանը: Անչափ շնորհակալ ենք Էջմիածնի երիտասարդական խորհրդի կամավորներին, ովքեր մշտապես օգնում են կյանքի կոչել մեր նախաձեռնություններ»․- նշել է քաղաքապետը։
