Մարսում կյանքի նոր նշաններ են հայտնաբերել

ԱՄՆ-ի Վաշինգտոնի համալսարանի աստղաբիոլոգները Մարսի վրա հայտնաբերել են կյանքի գոյության նոր ապացույցներ: Այդ մասին հայտնում է Phys.org կայքը:

Ավելի վաղ մոլորակի վրա հայտնաբերվել էին օրգանական միացություններ՝ տիոֆեններ: Գիտնականներն առաջ են քաշել մոլորակի մակերևույթի վրա այդ միացությունների հավանական առաջացման տեսությունները:

Հնարավոր են նաև տիոֆենների ձևավորման մի քանի կենսաբանական ուղիներ: Միացությունները, հավանաբար, կարող էին ձևավորված լինել միկրոօրգանիզմների գործունեության արդյունքում, որոնք ապրել են երեք միլիարդ տարի առաջ:

Մասնագետները ծրագրում են վերլուծել Մարսից ստացվող ծծմբի և ածխածնի իզոտոպները: Եթե գիտնականները միացությունների մեջ գտնեն իզոտոպների անհրաժեշտ հարաբերակցությունը, ապա դա կարող է ծառայել՝ որպես անցյալում կենսաբանական գործունեության ցուցիչ:

Պատրաստեց Անի Գաբուզյանը