Շախտյորը ջախջախում է հերթական մրցակցին, Մխիթարյանը՝ կրկին գոլի հեղինակ (տեսանյութ)

Ուկրաինայի առաջնության 7-րդ տուրում միանձնյա առաջատար «Շախտյորը» սեփական հարկի տակ ընդունել էր «Կարպատներին»:

Հանքափորների օրը «հանքափորները» նշանավորեցին հերթական հաղթանակով, իսկ Հենրիխ Մխիթարյանը՝ հերթական գոլով: Մխիթարյանը, կարծես, լիովին լուրջ էր խոսում՝ հայտարարելով 50 գոլ խփելու մտադրության մասին: Հավելենք միայն, որ Հենրիխը մասնակցեց ողջ հանդիպմանը:

Նա խփեց Շախտյորի 3 գոլերից մեկը, որոնց «Կարպատները» ոչ մի բանով չկարողացավ պատասխանել:

Շախտյոր – Կարպատներ 3-0
Գոլերը՝ Դենտինյո (32), Լուիս Ադրիանո (39), Հենրիխ Մխիթարյան (41)

1-0

2-0

3-0

Մարզական լրահոսն ապահովում է SportArmenia.com-ը